Kryetarja e LSI-së Monika Kryemadhi ka folur mbrëmjen e sotme për protestën e 27 janarit që opozita do të zhvillojë në Bulevardin Dëshmorët e Kombit.
Në një lidhje direkte në emisionin “Opinion” Kryemadhi nuk kurseu sulmet për Ramën, ndërsa theksoi se ai duhet të ishte në burg, pasi sipas saj ka shkelur Kushtetutën.
Teksa u pyet nga gazetari Armand Shkullaku se përse nuk ndërmarrin masa drastike të largimit nga Kuvendi apo djegies së mandateve, Kryemadhi tha se nuk do ti jap kënaqësinë Edi Ramës.
“Unë nuk dua t’ja jap kënaqësinë Edi Ramës. Të rrijë aty si qen kur ne ja përmendim çdo ditë vëllain, gruan, nënën. Deri në qershor, ne si opozitë nuk duam të jemi shkaku i asnjë dështimi që do t’i ndodhi qeverisë shqiptare si institucion, jo Edi Ramës. Edi Rama duhej të ishte në burg për shkeljen e Kushtetutës dhe shpërdorim të detyrës, që me thirrjen që u bëri policëve për zgjedhjet e 25 qershorit”, tha Kryemadhi.
