Zëdhënësja e qeverisë, njëherazi ministre e Shtetit dhe parlamentit, Elisa Spiropali ka komentuar deklaratën e zv.ndihmësit të Sekretarit amerikan të Shtetit, Mathew Palmer, se përgjegjësit e dhunës në protestën e opozitës nuk do të hyjnë dot më në SHBA.
Spiropali, në një reagim në Twitter, thotë se përgjegjësit e dhunës janë Basha e Kryemadhi, dhe se zgjedhjet do të zhvillohen më 30 qershor.
Reagimi i plotë:
Më qartë dhe me troç se kaq nuk ka! Përgjegjësit për dhunën janë Lulzim Basha dhe Monika Kryemadhi. Nuk do të shkelin më në SHBA po s’u ndalën SOT! Zgjedhjet do të bëhen më 30 Qershor dhe PIKË!
Ditën e sotme, Matthew Palmer, Zëvendës Ndihmës-Sekretar i Shtetit në SHBA, tha se qëndrimet e qeverisë amerikane në raport me zhvillimet politike nga vizita e tij e fundit s’kanë ndryshuar, dhe se kushdo që do të prishë zgjedhjet nuk do të mund të hyjë më në SHBA.
