Presidenti i Serbisë, Aleksandër Vuçiç, ka përsëritur edhe njëherë i prerë se nuk ka për ta njohur kurrë pavarësinë e Kosovës.
Madje lideri serb ka shkuar deri aty sa ka thënë se edhe sikur ta vrasin ai nuk ka për ta njohur pavarësinë.
“Mund të më vrisni, por ajo nuk do të ndodhë. Ju them, anglezëve dhe gjermanëve se nuk do ta bëj atë. Më goditni, por unë s’do ta bëj. Mund të jem president edhe për 15 vjet, por Vuçiç nuk e njeh Kosovën”,-tha Vuçiç.
Po ashtu Presidenti i Serbisë ka thënë se nuk ka mundur që të gjejë zgjidhjen për Kosovën, pasi siç është shprehur “secili u çmend”.
