Të gjitha akset rrugore nacionale në qarkun e Korçës janë të kalueshme për automjetet, ndërsa në disa prej tyre rekomandohet përdorimi i zinxhirëve.
Duke bërë një pasqyrim të situatës aktuale të qarkullimit në të gjitha akset rrugore nacionale dhe rurale, Prefektura e këtij qarku njofton se konkretisht në aksin Qafë-Thanë – Kapshticë kalueshmëria e automjeteve është normale.
Ndërsa në aksin Korçë-Ersekë kalueshmëria në pjesën e Qafës së Qarrit rekomandohet me zinxhirë. Po ashtu edhe aksi Ersekë – Çarshovë është i hapur, por në pjesën Barmash – Radanj rekomandohet lëvizja me zinxhirë.
Aksi Korçë – Voskopojë është i kalueshëm, por në disa segmente rekomandohet përdorimi i zinxhirëve. Rruga Maliq – Lozhan – Grabovë është e kalueshme, rruga Zëmblak – Goricë ëshë e hapur dhe pjesërisht kalohet me zinxhirë. Ndërsa aksi Boboshticë – Dardhë është i hapur, por kalohet me zinxhirë.
Sa i takon rrugëve rurale, rruga Voskopojë – Lekas është e hapur dhe kalohet me zinxhirë.
Po ashtu, edhe segmenti nga Ura e Floqit – Vithkuq – Shtyllë është i hapur dhe kalohet pjesërisht me zinxhirë.
Në Pogradec rrugët rurale janë të hapura, me përjashtim të rrugës Bishnicë – Velcan, që momentalisht është e bllokuar. Prefektura njofton se janë marrë të gjitha masat për hapjen e saj.
Lidhur me furnizimin me energji elektrike, Prefektura Korçë njofton se nuk ka asnjë problem, me përjashtim të disa fshatrave në zonën e Mokrës, të cilat janë pa energji dhe ku po punohet për riparimin e defekteve.