Kryetari i Grupit Parlamentar të Partisë Socialiste Taulant Balla ndodhet në terren, ku po ndjek nga afër punën që po kryhet për hapjen e rrugëve, riparimin e defekteve në rrjetin e energjisë elektrike si dhe garantimin e shërbimit të urgjencës në çdo shtëpi.
Përmes një postimi në rrjetin social facebook, Balla i është përgjigjur edhe gaztorëve të opozitës që komentojnë punën nga divani i ngrohtë i vilave që shtohen në kohë pandemie.
“Ndërsa ndjekim nga afër punën që vazhdon për hapjen e rrugëve, riparimin e defekteve në rrjetin e energjisë elektrike, garantimin e shërbimit të urgjencës në çdo shtëpi, na duhet të dëgjojmë edhe gaztorët e opozitës që komentojnë punën nga divani i ngrohtë i vilave që shtohen në kohë pandemie”, shkruan Balla.
Postimi i plotë i Taulant Ballës:
#punëjogjumë?
Kjo stuhi dëbore nuk është parë asnjëherë në Qarkun Elbasan dhe duket se reshjet do të vazhdojnë edhe gjatë natës dhe nesër paradite. Ndërsa ndjekim nga afër punën që vazhdon për hapjen e rrugëve, riparimin e defekteve në rrjetin e energjisë elektrike, garantimin e shërbimit të urgjencës në çdo shtëpi, na duhet të dëgjojmë edhe gaztorët e opozitës që komentojnë punën nga divani i ngrohtë i vilave që shtohen në kohë pandemie.
S’KEMI KOHË PËR PUSHIM
