Kryeministri Edi Rama i ftuar në emisionin “Opinion” është ‘kapur’ edhe me moderatorin Blendi Fevziu, të cilin e ka quajtur liderin real të opozitës.
Rama po fliste për faljen e gjobave që u bë pak ditë më parë dhe tha se kjo ishte për situata familjare, por Fevziu e pyët nëse kjo ishte vërtet për situatë familjare apo elektorale.
Ramës nuk i ka pëlqyer kjo pyetje dhe i është kthyer Fevziut: “Shiko, unë kam përgjigjen time…pastaj të bëj çfarë të bëj unë partinë tënde do ta mund më 25 prill.
Pjesë nga debati:
Edi Rama: Ideja për t’jua kthyer njerëzve mjetet dhe gjobat ishte për ta vendosur këtë gjë si një situatë familjare…
Blendi Fevziu: Për situatë familjare..apo elektorale?
Edi Rama: Shiko, unë kam përgjigjen time…pastaj të bëj çfarë të bëj unë partinë tënde do ta mund më 25 prill.
Blendi Fevziu: Se kë do mundësh ti më 25 prill, shko sqarojua qytetarëve që të votojnë, jo mua.
Edi Rama: Po ja po ta sqaroj.
Blendi Fevziu: Mos më sqaro mua, shko dhe sqaro qytetarët, unë kam të drejtë ta konsideroj elektorale. Ti po munde, mund Kryemadhi dhe Bashën jo mua
Edi Rama: Ti je lideri real…
