Debati i cili ka përfshirë të gjithë politikanët nga Shqipëria dhe Kosova e cila është quajtur edhe si “Debati i Kufijve”. Takimet e shpeshta të politikanëve shqiptar dhe atyre kosovar të çojnë në dyshimin se çfarë po ndodh dhe çfarë roli po luan Shqipëria në këtë çështje.
Shumë u komentua takimi ndermjet Berishës dhe Albin Kurtit dy politikan me mendime krejt të njëjta aq sa dikur Berisha i kishte quajtur si: “agallarët e Prishtinës”
Por kur bëhet fjalë për kufijtë Albin Kurti shkon te Berisha dhe i kërkon mendim për këtë çështje.
Takimi Berisha-Kurti
Në mes të furtunes që ka përfshirë prej gati një muaj Kosovën dhe jo vetëm, lidhur me idenë e korrigjimit të kufirit; pas takimit të dështuar mes presidentitit kosovar dhe atij serb, Hashim Thaçit dhe Aleksandër Vuçiç në Bruksel dhe në prag të vizitës se shumëpërfolur të këtij të fundit në Kosovë, lideri i Vetëvendosjes Albin Kurti takohet me ish-kryetarin e PD, Sali Berisha në Tiranë.
Në dukje një takim mëse normal mes dy politikanëve, por momenti në të cilin zhvillohet takimi si dhe e kaluara jo shumë miqësore mes Kurtit dhe Berishës, i japin një tjetër peshë këtij takimi,. Berisha ishte i pari politikan shqiptar, i cili u artikulua hapur kundër kësaj ideje, madje pati replika në distancë dhe me Presidentin Hashim Thaçi.
Takimi Meta-Thaçi
Kënaqësi të takohesha sot në Durrës për një drekë pune me Presidentin e Republikës së Kosovës, z.Hashim Thaçi. Rritja e mëtejshme e shkëmbimeve të gjithanshme midis dy vendeve është një prioritet i përbashkët. Forcimi i stabilitetit rajonal dhe perspektivës europiane të rajonit është qëllim i përbashkët.
Ndaj është me rëndësi vazhdimi i dialogut për normalizimin përfundimtar të marrëdhënieve Kosovë – Serbi që do të garantojë jo vetëm njohje reciproke midis dy vendeve si edhe të ardhmen e tyre në BE por dhe një bashkëjetesë të përhershme midis shqiptarëve e serbëve në interes të gjeneratave të ardhshme.
Përgatiti: AlpeNews.al
