Analisti Agron Gjekmarkaj është përfshirë sërish në një sherr në studion e “open”, kësaj here me kryetarin e Lëvizjes “Nisma Thurje”, z.Endri Shabani.
Gjekmarkaj i është drejtuar Shabanit me fjalë fyese si shërbëtor apo të tjera, madje e ka intimiduar duke i thënë: Do të thosha një gjë tani që…
Analisti e ka akuzuar Shabanin sikurse dhe partitë e tjera të vogla si shtojcë të Edi Ramës, dhe të krijuara për t’i prishur punë PD dhe gjithë opozitës. Këtë akuzë nuk e ka pranuar kreu i Nismës, i cili tha se nuk lindi sot kjo lëvizje, por ka qenë gjithnjë aty duke denoncuar padrejtësitë.
Gjekmarkaj: Do të të thosha ndonjë gjë tani por…
Shabani: Çfarë po më kërcënon tani? Po kush je ti ore…
Gjekmarkaj: Unë jam doktor shkencash, ti kush je? Është e kuptueshme tani. Partitë e vogla i shërbejnë Ramës.
Shabani: Si i shërbej Edi Ramës unë? Është e turpshme kjo.
Gjekmarkaj: Unë flas për fenomenin, spo them për ju personalisht.
Shabani: Më bëra akuzë, ma shpjego tani.
Gjekmarkaj: Partitë e reja po peshkojnë vota në pellgun e opozitës. Smerrem me ju. Ju keni në parti Rudina Hajdarin.
Shabani: Shpejgoje, edhe unë mund të them se jeni shërbëtor.
Gjekmarkaj: Ske këllqe të më thuash shërbëtor mua. Fenomeni është ky, ju hiqni vota nga opozita dhe i çoni te Edi Rama.
Shabani: Nuk ndodh kjo, sepse votuesi im është votues që nuk beson as të Rama e as të Basha. Ky votues nëse s’më voton mua, nuk voton fare.