Ka nisur në kryesinë e Kuvendit Komisioni “Tahiri” i cili do të zhvillohet nën drejtimin e kryetarit Edi Paloka.
Por ka nisur me debat mes kryetarit të komisionit Edi Palokës dhe deputetes Ermonela Felaj ku kjo e fundit e këshillon t’i përmbahet rendit të ditës dhe e “korrigjon” duke e saktësuar se është mbledhja e tretë dhe jo e katërt.
Debati nisi për shkak të rendit të ditës, ku përfaqësuesja e PS, Ermonela Felaj kërkoi kalimin e disa pikave të diskutuara në mbledhjen e kaluar ku opozita nuk mori pjesë.
Por kreu i Komisionit, Edi Paloka tha se mbledhja e kaluar ishte nul dhe mazhoranca ka uzurpuar postin e tij. Sipas Palokës komisioni u mblodh për të bërë zhurmë, pasi atë ditë zhvillohej gjyqi për ‘kuksianët’ dhe mazhoranca kërkonte të bënte zhurmë.
Paloka: Ju atë ditë keni uzurpuar postin tim dhe nuk keni pasur të drejtë që të mblidhni komisionin. Ju e bëtë që te bënit zhurmë, pasi atë dite ishte gjyqi për kuksianët. E ashtuquajtura mbledhje ishte në shkelje të ligjit dhe është nul. Sot është mbledhja e tretë dhe jo e katërt.
Flamur Noka i drejtohet Bashkim Finos: Bashkim qenke qeth mirë sot.
Felaj: Duhet të vazhdojmë në atë pikë që e kemi lënë dhe jo kur të doni ju. Ne jemi paraqitur në ketë mbledhje dhe ju nuk ishit paraqitur. Unë nuk kam marrë kompetencën tuaj. Ju na akuzoni se ne vonojmë komisionin, por ne kemi qenë korrekt dhe kemi ardhur në çdo mbledhje.
Noka: Pa marrë autorizimin tim ju nuk duhet të ishit mbledhur dhe të shqyrtonit çështjen. Keni uzurpuar postim tim.
AlpeNews.al
Vijon
