Koreografi shqiptar Angjelin Preljocaj e krijoi këtë koreografi në vitet 80, shumë më herët se sa të bëhej e njohur kudo dhe më e kërkuar në teatrot e europës.
Të drejtën për të kërcyer “Dasmën”, apo “Noches” siç njihet në të gjithë botën, Preljocaj ia ka dhënë vetëm dy trupave të baletit, fillimisht si premierë botërore trupës shqiptare e më pas balerinëve francezë.
Baleti “Dasma” është mirëprit që në premierë dhe teatrot italiane kërkuan trupën shqiptare të baletit për ta performuar.
Ata sapo janë kthyer nga një tur që tërhoqi vëmendjen e kritikëve italianë dhe për një javë u pasqyrua në media.
Baleti “Dasma” përmban elementë shqiptarë, por koreografia është sa moderne aq edhe e veçantë për publikun italian që këtë shkrirje të folkut dhe modernes e sheh në diçka kaq klasike.
Ky është turi i dytë që trupa e baletit ndërmerr në Itali, por i pari që është pritur kaq mirë nga kritika e media.
