Gjimnazist, banues në qytetin e Vushtrrisë në Kosovë, dhe shtetas shqiptar me pasaportë të Republikës së Kosovës, ky është i riu i “marrosur” pas një gruaje të martuar nga Shkodra, Besnik Hysaj.
Edhe pse e divorcuar, 37 vjeçarja nga qyteti i Shkodrës (identiteti i së cilës nuk bëhet akoma i ditur) kishte patur komunikim me të riun nga Kosova.
Hysaj e kishte kontaktuar në çdo formë komunikimi (telefon, aplikacionet sociale) por nuk ia ka dalë t’ja “ushqejë” ndjenjën e njëjtë edhe gruas nga Shkodra.
Ai në rrjetin social “Facebook” duket shumë aktiv. Postimi i fundit është bërë me 15 qershor (ditën e ditëlindjes së babait të tij). Policia po heton ndërkohë të gjithë ngjarjen e dyshimtë që ka avancuar në kërcënime me fjalë, kërcënime fizike, dhe me armë.
SKENARI – ARDHJA E HYSAJT NË SHQIPËRI
Djali i dëshpëruar nga gjendja emocionale kishte vendosur të ikte drejt qytetit ku jetonte 37 vjeçarja për ta takuar, por me vete duket se është përgatitur mire (duke u pajisur me një pistoletë të cilën ia ka marrë dikujt në Kosovë, thonë burimet e Policisë).
Në momentin që ka hyrë në oborrin e shtëpisë të së divorcuarës Hysaj i është afruar por gruaja ka tentuar të bërtasë, dhe të kërkojë ndihmë.
Kjo e ka acaruar situatën duke bërë që Hysaj të nxjerrë armën (tip pistoletë lloji “Zastava”) dhe ta kërcënojë.
NJOFTIMI I POLICISË
“Arrestimi i tij u bë pasi rreth orës 02:00 ka hyrë me një armë zjarri tip pistoletë në oborrin e banesës së shtetases A. G., e cila ka telefonuar Policinë dhe falë reagimit të shpejtë të saj, është arrestuar në flagrancë brenda banesës së shtetases së lartpërmendur, ku iu gjet edhe arma e zjarrit pistoletë tip ‘Zastava’, e cila u sekuestrua në cilësinë e provës materiale”, bëhet e ditur nga ana e Policisë.
Nga sa mësohet, Besnik Hyseni nuk e ka dhunuar dhe as kërcënuar 37-vjeçaren, por vetëm i ka thënë shprehje të tipi “ose je e imja, ose e askujt tjetër”. Ende nuk dihen rrethanat e njohjes së 23- vjeçarit nga Kosova me gruan nga Shkodra, por dyshohet se kjo ka ardhur përmes rrjeteve sociale.
Ky material është përgatitur nga redaksia e ALPENews.al, me materiale të Njoftimit të Policisë Shkodër.
