Lulzim Basha dhe opozita do të hyjë në zgjedhje si “Çeçua”, edhe me Ramën kryeministër pavarësisht deklaratave, përbetimeve dhe kërcënimeve nga ana e liderëve opozitarë.
Zgjedhjet lokale janë komentuar nga kreu i LZHK-së Dashamir Shehi, i cili ka qënë tepër konkret në lidhje me faktin nëse opozita do të hyjë në zgjedhje me Ramën, kryeministër dhe qeverinë e tij. Shehi është shprehur i qartë, se PD do të hyjë në zgjedhje me patjetër.
“Ne do të bëjmë luftë deri në fund që ta spostojmë këtë qeveri me gjithë kryeministrin në krye dhe do t’i përdorim të gjithë mjetet demokratike, por opozita në zgjedhje do të hyjë sepse ne nuk jemi revulucionarë. Kjo punë ka filluar me votë dhe me votë do të zgjidhet”, ka thënë ndër të tjera Shehi.
Kjo deklaratë e kreut të LZHK-së vjen në një kohë kur kryedemokrati Lulzim Basha çdo ditë e më shumë bën thirrje për rrëzimin e Ramës sepse është i lidhur me bandat kriminale, dhe për këtë arsye opozita nuk do të hyjë në zgjedhje.
