Fitor Ollomani është 35-vjeçari që humbi jetën në aksidentin tragjik që ndodhi paraditen e së shtunës në aksin Milot-Morinë. Ollomani ishte inspektor pranë zyrës Arsimore Kukës dhe punonte edhe si padeagog
Mësohet se 35-vjeçari po udhëtonte së bashku me bashkëshorten në drejtim të Tiranës, pasi kjo e fundit me profesion mësuese kishte sot testin e kualifikimit në matematikë.
Për vdekjen tragjike të Ollomanit, ka reaguar edhe drejtori i Arsimit për Veriun, Bardhok Pulaj
“Dhimbje e madhe për humbjen e mikut dhe kolegut të Zyrës Arsimore Kukës, Fitor Ollamani. U prehsh në paqe Miku yne…”, shkruan ai.
Mjeti, i cili po drejtohej nga Ollomani është përplasur nga një automjet tip “Benz”. Mësohet se si pasojë e përplasjes kanë mbetur dy persona të plagosur, mes tyre edhe bashkëshortja e Ollomanit.
Ata janë dërguar për në spitalin e Traumës.
