Anëtarësimi i plotë në BE është një prioritet i politikës së jashtme absolute për Serbinë, por Serbia nuk do ta njohë pavarësinë e Kosovës si kusht për anëtarësimin në BE.
Kështu tha në Buenos Aires, ministri i Jashtëm serb Ivica Daçiç, ku ndodhet për një vizitë zyrtare.
Ai theksoi se për Serbinë është me rëndësi të veçantë mbështetja që Argjentina i jep asaj në përpjekjet për të ruajtur sovranitetin dhe integritetin territorial, transmeton Klan Kosova duke iu referuar mediave serbe.
