Për të luftuar të ftohtin, themeluesi i Alibabas, Jack Ma, solli një prej artikujve të veshjeve të preferuara në Forumin Ekonomik Botëror në Davos.
Ma e kishte veshur këtë xhaketë në shumë raste, duke përfshirë takimin me Presidentin e SHBA-ve, Donald Trump.
Zgjedhja e njërit prej njerëzve më të pasur në planet të prodhuesit kanadez të tekstilit Montebelo, ishte një xhaketë që kushtoi 634 dollarë.
Gazetarët kinezë, që publikuan këtë informacion, janë të bindur se ajo ka të bëjë me modelin femëror, sepse ngjyra e gjelbër e errët është varianti femëror i kësaj xhakete.
Theksohet se nuk ka asnjë arsye të veçantë, pse burrat nuk duhet të veshin modele të grave apo anasjelltas, duke pasur parasysh se një numër i madh i shtëpive të modës, avokojnë bërjen e rrobave pa referenca seksuale.
Canada Goose ka zbuluar se deri në marsin e viti të kaluar aksionet e kompanisë janë rritur më shumë se 150 për qind. Kanadaja dhe Shtetet e Bashkuara janë dy nga tregjet e tyre më të mëdha, që përbëjnë 70 për qind të shitjeve vjetore dhe xhaketat e tyre i mbajnë disa nga personalitetet më të famshme botërore.
Kujtojmë se pasuria e 53-vjeçarit Ma kap shifrat prej 41.3 milionë dollarë.
