Kjo shtunë ka shënuar ditën e 28 në vend pa asnjë viktimë nga COVID. Lajmi u bë me dije nga Ministria e Shëndetësisë, ku njoftohet po ashtu se në 24 orët e fundit janë regjistruar 25 raste të reja infeksioni, një rënie në krahasim me një ditë më parë, ku u regjistruan 31 persona të infektuar.
Rastet e reja të infeksionit u regjistruan në këto bashki: 9 raste në Tiranë, 6 raste në Has, 3 raste në Shkodër dhe Lezhë, 2 raste në Elbasan, 1 rast në Kurbin, Mirditë.
Aktualisht janë 272 pacientë aktivë me COVID19 në të gjithë vendin, ku në Spitalin Infektiv po marrin trajtim spitalor të specializuar 8 pacientë.
Janë shëruar 7 qytetarë gjatë 24 orëve të fundit, duke e çuar numrin e të shëruarve në 130,125 që nga fillimi i epidemisë.
Ndërkohë, që nga fillimi i pandemisë në vend, numri i rasteve të infeksionit ka shkuar në 132,853, ndërsa ai i viktimave në 2,456.
Vendi ndodhet nën frikën e variantit Delta të COVID, ku pavarësisht se nuk ka ende një konfirmim zyrtar të pranisë së virusit, ekspertë të shëndetësisë ia faturojnë pikërisht këtij mutacioni të koronavirusit rritjen e rasteve të infeksionit në vend.
Zv.ministrja e Shëndetësisë, Mira Rakacolli, tha një ditë më parë në ‘Report Tv’ se sinjalet për praninë e këtij virusi, janë të forta. Ajo i bëri apel qytetarëve që të vaksinohen si e vetmja mënyrë për t’u mbrojtur nga virusi.
Statistika (24 Korrik 2021)
Raste të reja ditore 25
Të shëruar në 24 orë 7
Të shtruar në spitale 8
Humbje jete në 24 orë 0
Testime ditore 4063
Testime totale 875,262
Raste pozitive 132,853
Raste të shëruara 130,125
Raste Aktive 272
Humbje jete 2,456
Shpërndarja gjeografike e rasteve aktive sipas qarqeve:
Tiranë 103
Vlorë 26
Elbasan 26
Kukës 25
Durrës 22
Lezhë 21
Shkodër 17
Fier 14
Berat 11
Korçë 6
Gjirokastër 1
