Por duket se autoritetet arsimore janë të vendosura që mos ta pengojnë procesin mësimor. Pak ditë më parë me vendim të këshillit të ministrave është vendosur që gjatë gjithë periudhës së pandemisë, të jenë pjesë e sistemit arsimor edhe 1000 mësues shtesë për të plotësuar nevojat në rast se kolegët e tyre rezultojnë të prekur me Covid.
Por si do të përzgjidhen ata, si është situata aktualisht në shkollat shqiptare? A janë mbyllur aktualisht klasa apo shkolla nga numri i të infektuarve i cili ndryshon nga dita në ditë? Zv.Ministrja e Arsimit, Nina Guga tha në “Wake Up” në Top Channel se qarqet më problematike janë qytetet e mëdha. Ministria e Arsimit ka bërë kujdes që të ketë një shpërndarje të 1000 kuotave të mësuesve në mënyrë që të përballohet kjo situatë.
Guga shtoi se Ministria ka fonde për mjaftueshëm jo vetëm për të paguar orët suplementare por njëkohësisht do të paguajë të gjitha orët e mësimit për mësuesit e tjerë që do të zëvendësimin e mësuesve të karantinuar.
“Dua të theksoj se nëse një mësues karantinohet, për aq ditë sa do të mungojë në klasë, do ta marrë pagesën e plotë. Në momentin që ne flasim është bërë pagesa për muajin shtator dhe mësuesit e karaninuar apo të izoluar për shkak të COVID-19, e kanë marrë të plotë pagën e tyre, po ashtu edhe ata që kanë kryer orë suplementare janë paguar gjithashtu” – tha zv Ministrja e Arsimit Nina Guga.
