Ish-ministri grek i Shëndetësisë, Dimitris Kremastinos, ka humbur betejën me koronavirusin, duke ndërrura jetë në moshën 78-vjeçare.
Lajmi bëhet i ditur nga mediet greke, të cilat theksojnë se ish-ministri pati një betejë të mundimshme me virusin e rëndë në Spitalin Evangelismos, ku ndodhej në njësinë e kujdesit intensiv prej më shumë se një muaj.
Vassilis Kikilias postoi një mesazh ngushëllimi për vdekjen e Dimitris Kremastinos në Twitter, duke theksuar se “ai i shërbeu fushës së Shëndetit me dinjitet dhe ndjenjën e përgjegjësisë”.
Ndërsa, Presidentja e Lëvizjes për Ndryshim, Fofi Gennimata, shprehu ngushëllime për vdekjen e ish-ministrit, Dimitris Kremastinos, duke thënë se vendi sot ka humbur një shkencëtar.
“Unë shpreh dhimbjen time të thellë për humbjen e mikut tim të dashur Dimitris Kremastinos. Sot kemi humbur një njeri të madh, një shkencëtar të shkëlqyer, një atdhetar të zjarrtë, një luftëtar të Partisë Demokratike, një anëtar të parlamentit, një nënkryetar të parlamentit, një ministër “, tha kryetarja e Lëvizjes për Ndryshim.
Fofi Gennimata deklaron se “ai ishte” mjeku i grekëve”.
“Mungesa e tij lë një boshllëk të paplotësuar në shkencë, në partinë tonë, në atdheun e tij të veçantë. Burra dhe gra grekë do ta kujtojnë atë me dashuri dhe respekt. Ngushëllime të sinqerta Xhenit dhe familjes së saj”.
