Singapori ka nisur shpërndarjen e pajisjeve të vogla me “bluetooth” që do të ndihmojnë në evidentimin e qytetarëve të infektuar me COVID-19.
Kjo pajisje është menduar për të gjithë ata persona të cilët nuk zotërojnë telefona dhe nuk kanë mundësi të përdorin një aplikacion për gjurmimin e kontakteve që ishte prezantuar më parë nga qeveria e Singaporit.
Sipas autoriteteve, kjo pajisje do të ndihmojë njerëzit të ndihen më të sigurt kur ndodhen jashtë shtëpisë së tyre.
E vetmja gjë që përdoruesit duhet të bëjnë është të mbajnë një pajisje të tillë me vete dhe bateria zgjat deri në nëntë muaj pa pasur nevojë për rimbushje.