Serbia ka dërguar ditën e sotme në Itali katër aeroplanë me pajisje mjekësore përfshirë doreza, maska dhe kostume mbrojtëse për të ndihmuar Italinë në përballjen me koronavirusin.
Sipas ‘reuters’ Presidenti Aleksandar Vuçiç tha se dhe katër aeroplanë të tjerë me pajisje do të dërgohen brenda dy ditëve të ardhshme.
“Ne do të fitojmë së bashku, Serbia është me ju,” shkroi Vuçiç në njërën nga kutitë e pajisjeve.
Vitin e kaluar Italia ishte partneri i dytë më i madh tregtar i Serbisë pas Gjermanisë, treguan të dhënat e zyrës së statistikave në janar. Kompanitë italiane përfshirë ‘Fiat’, punësojnë më shumë se 20,000 njerëz në Serbi.
“Në rrugën e saj drejt Evropës, Serbia gjithmonë ka pasur ndihmë nga Italia,” tha Vuçiç.
Ai gjithashtu përmendi e gjatë përmbytjeve shkatërruese në 2014, Italia ishte një nga vendet e para që dërgoi ndihmë.
Në Serbi, deri më tani 144 persona kanë humbur jetën, ndërsa 7.483 janë të infektuar.
