Komisioni i barnave njerëzore i Agjencisë Europiane të Barnave, ka rekomanduar një ndryshim në kushtet e ruajtjes së vaksinës së Covid-19 të Pfzier me BioNTech, që do lehtësojë transportin e vaksinës në qendrat e imunizimit përreth Bashkimit Evropian.
Ky ndryshim do të zgjasë periudhën e miratuar së ruajtjes të shishkës së pahapur në 2-8 gradë celsius, nga pesë ditë në 1 muaj. Ndryshimi u miratua pasi u dërguan të dhëna shtesë mbi stabilitetin tek Agjencia Evropiane e Barnave.
Rritja e fleksibilitetit në ruajtje dhe transport për vaksinën pritet të ketë ndikim të madh në planifikimin dhe logjistikën e shpërndarjes së vaksinës në vendet anëtare të BE.
Ndryshimet do përfshihen në informacionin publik të vaksinës së Pfizer, që quhet Comirnaty. Agjencia Evropiane e Barnave ndodhet në dialog të vazhdueshëm me mbajtësit e autorizimit të marketingut të vaksinave të Covid-19, ndërkohë që synon të përmirësojë procesin e manifakurës, për të fuqizuar shpërndarjen e vaksinës në Bashkimin Evropian.
