Organizata Botërore e Meteorologjisë (OMO) paralajmëron se pandemia e koronavirusit rrit rreziqet shëndetësore që lidhen me valën e të nxehtit.
“Vera që po afrohet në hemisferën veriore pritet të shënojë një rekord të ri përsa i përket nxehtësisë”, tha zëdhënësja e OMO-së, Clare Nullis Kapp, në një konferencë virtuale për shtyp në Gjenevë.
“Ne aktualisht po jetojmë një nga vitet më të nxehta të regjistruara ndonjëherë”, tha ajo.
Sipas saj, pandemia e ka bërë më të vështirë menaxhimin e valëve të nxehtësisë.
Organizata Botërore Meteorologjike u bëri thirrje qeverive të bëjnë plane për t’i mbajtur njerëzit të sigurt gjatë valëve të nxehtësisë pa përhapur koronavirusin e ri.