Papa Françesku është parë të mërkurën me maskë, për herë të parë që nga fillimi i pandemisë.
Megjithatë, ai e hoqi shumë shpjet atë për të folur me besimtarët.
Françesku, i cili njihet për rëndësinë që i jep kontaktit të ngushtë me njerëzi, e hoqi maskën menjëherë pasi doli nga makina dhe filloi të përshëndesë dhe takojë besimtarët.
Kjo është dalja e dytë që Papa bën në prani të publikut në Vatikan, pasi me fillimin e pandemisë evente të tilla u transmetuan “live” në internet për të shmangur grumbullimet.
Gjatë fjalës së tij, Ati i Shenjt, foli për një shoqëri në të cilën njerëzit duhet të kenë më shumë solidaritet dhe se “shëndeti, përveç se është një e mirë individuale është edhe një e mirë publike”.
“Një shoqëri e shëndetshme është ajo që kujdeset për shëndetin e gjithsecilit”, tha Papa. s.b/ abcnews.al/
