Sipas të dhënave nga Ministria e Shëndetësisë, në Itali u raportuan 18 765 raste pozitive me COVID-19 në 24 orët e fundit, nga 13 846 që ishin një ditë më parë.
Gjithashtu, rritje shënoi edhe numri i viktimave, me 551 vdekje shtesë nga dje që ishin 386.
Aktualisht, ka gjithsej 560 654 raste pozitive, 2 753 083 të shëruar dhe të shkarkuar nga spitalet, si edhe 528 680 persona në izolim në shtëpi.
Shkalla e pozitivitetit është 5,6% (dje ishte 8,1%), me rënie prej 2,5%.
Në kujdesin intensiv për Covid janë 3 546 pacientë të shtruar, 36 më shumë se dje në bilancin ditor midis hyrjeve dhe daljeve, ndërsa hyrjet ditore në kujdesin intensiv janë 317 (dje ishin 227).
Në repartet e zakonshme, 28 428 persona janë të shtruar në spital, me një rritje prej 379 njësish në 24 orët e fundit.
Rastet totale, që nga fillimi i epidemisë janë 3 419 616, ndërsa vdekjet 105 879.
