Tashmë qytetarët e Pekinit nuk e kanë më të detyruar që të mbajnë maska në ambiente publike, si kusht për t’u mbrojtur nga koronavirusi. Qendra e Pekinit për Parandalimin dhe Kontrollin e Sëmundjeve publikoi rregullat e reja, si shenjë e fundit se epidemia e COVID-19 është nën kontroll në shtetin kinez.
Kujtojmë se në 24 orët e fundit Kina raportoi vetëm 22 raste të reja me COVID-19, ndërsa në Penik nuk u raportua asnjë.
Autoritetet caktuan se maskat do të mbahen vetëm nëse qytetarët kanë kontakt të ngushtë me persona të tjerë. Në Pekini deri më tani janë raportuar 929 raste me virus, ndërsa 9 persona kanë humbur jetën.
