Ditën e sotme janë rritur sërish shifrat e te prekurve me Covid-19 në Shqipëri, teksa janë shënuar plot 78 raste.
Si pasojë, është mbyllur edhe bashkia e Delvinës, pasi njëri prej të infektuarve ishte punonjës i bashkisë. Kujtojmë se ne bilancin e Delvinës sot janë shenuar katër persona dhe bëhet fjalë për 3 anëtarë të një familjeje dhe fqinji i tyre (Babai, nëna dhe nusja e djalit), të cilët mësohet se janë kontakte të rastit të parë të personit të prekur në këtë qytet me COVID-19.
Kjo pasi të prekurit me Covid-19, kanë shfaqur simptoma të virusit, pasi morën pjesë në një funeral.
Gjithashtu edhe në Kukës janë konfirmuar katër raste të në 24 orët e fundit ku dhe dyshohet të jenë infektuar po në një funeral.
Një prej masave të marra fill pas daljes nga karantina ishte ndalimi i marrjes pjesë në funerale, dasma apo tubime popullore pasi siç edhe po vihet re rreziku është i lartë.
Rritja e shifrave duhet të sherbejë si këmbanë alarmi në menyrë që qytetarët të mos e ulin vigjilencën për sa kohë virusi vijon të jetë mes nesh.
AlpeNews.al
