Situata në dy spitalet Covid, Infektiv dhe “Shefqet Ndroqi”, vijon të paraqitet shqetësuese, ku numri i të shtruarve po rritet ditë pas dite.
Ministria e Shëndetësisë raportoi se gjatë 24 orëve të fundit ka pas shtrime të reja, duke e çuar në 123 numrin e pacientëve, që po trajtohen në këto dy spitale.
“Vijon të ketë shtrime të reja në të dy spitalet dhe situata paraqitet serioze. Aktualisht në dy spitalet COVID, në spitalin Infektiv dhe spitalin “Shefqet Ndroqi” po trajtohen 123 pacientë, 17 në terapi intensive dhe 1 pacient është i intubuar.
Ministria e Shëndetësisë ju drejtohet të gjithë qytetarëve të konfirmuar pozitivë me Covid19 por që janë në kushte shtëpie, të respektojnë karantinimin e detyrueshëm, si dhe kushdo që është i dyshuar, duhet të qëndrojë i izoluar dhe të telefonojë 127 nëse ka shenja të sëmundjes”, bën me dije MSH.
