“Çmendet” moti në Francë! Brenda një jave, plazhet e Normandisë kanë kaluar nga një klimë verore në një klimë të ashpër si të Krishtlindjeve.
Nëse të martën e kaluar, brigjet normane u pushtuan nga mijëra persona me syze dielli dhe kostume plazhi për një banjo dielli, të parën e stinës, mëngjesi i sotëm është mbërthyer nga dara e të ftohtit me rikthimin e dëborës, një erë e akullt dhe një temperaturë që ka rënë në minus tri gradë Celcius, kundrejt 27 që ishte javën e kaluar, shkruan atsh.
Por, nga dje kjo klimë e zymtë dhe e ftohtë është rikthyer edhe në Paris pas rreth 10 ditësh të buta.
Gjashtë departamente në veri të vendit, Veriu, Pas-de-Calais, Seine-Maritime, Eure, Somme dhe Calvados janë nën alarmin portokalli për rrezikun për shira të rrëmbyeshëm dhe përmbytje.
