Shumë njerëz, gazetarë, analistë dhe politikanë po pyesin se ku ndodhet sot Monika Kryemadhi. Pse u zhduk në momentin më kulminant të situatës politike pasi po bëhet konstituimi I kryetarëve të rinj të bashkive, teatri dhe hapat që do të ndjekë opozita.
AlpeNews.al do ti bëjë një analizë të shkurtër të 3-ja pikave të cilat janë përkrahur fort nga kryetarja e LSI-s. Le ti marrim me radhë:
- Konstituimi I kryetarëve të rinj të bashkive Kryemadhi pati thënë asnjë kryetarë bashkie nuk do ta lirojë zyrën pasi zgjedhjet janë të paligjshme. Por kryetarët e bashkive të zgjedhur nga vota e popullit më 30 qershor po marrin të gjithë detyrat e tyre në krye të bashkive. Duket se këtë betejë Kryemadhi e humbi.
- Teatri; Një çështje shumë e nxehtë e ditëve të fundit pasi kërkohet prishja e tij për shkak të kushteve. Një grup artistësh dhe opozita e kundërshtojnë me force këtë gjë. Kryetarja e LSI-s ka qenë ndër të parat që e ka kundërshtuar me force prishjen e teatrit. Aq sa gjatë votimit në parlament u përpoq ta ndalonte duke u shëndërruar në një “bishë” sa që hoqi çizmen dhe iu sul kryeministrit Rama por doli “huq”. Por këto ditë të nxehta vere dhe politike Kryemadhi nuk ka reaguar fare as për teatrin dhe as për asgjë.
- Hapat politike që do ndjekë opozita gjatë gushtit: Lideri I opozitës Basha paralajmëroi se nuk do të ketë pushime për opozitën gjatë gushtit dhe ai bëri lëvizje të drejtuesve politik të PD-s në qarqe. Por këto hapa nuk janë ndjekur nga aleatja politike e tij, pasi Kryemadhi ia ka lënë të gjitha në dorë të Petrit Vasilit.
Si përfundim nuk dihet ende se çfarë ka ndodhur me kryetaren e LSI-s nëse është shtruar sërish në spital apo ka ikur me pushime. Por gjithsesi nuk na mbetet gjë tjetër veçse të presim apo siç thotë njëkohsisht burri president I zonjës kryemadhi: Domatet duan ende kohë për t’u pjekur. Do durojmë edhe ca!
Përgatiti: AlpeNews.al
