Princ Harry dhe Meghan Markle kanë zbuluar detajet e dasmës së tyre, e cila do të mbahet ne St George’s Chapel më 19 maj. Data përkon me finalet e FA Cup, ndeshjeve kualifikatore për UEFA Europa League.
Pas spekulimeve se dasma do të përkonte me ndeshjen, Pallati i Kensington zbuloi se dasma do të nisë në mesditë, ndërsa finalet nisin pas orës 5:30.
Çifti është “shumë mirënjohës për urimet që ka marrë që pas shpalljes së fejesës dhe mezi po presin ditën që të ndajnë me publikun festën e tyre.”
Arqbishopi i Canterburry, Justin Welby do të martojë çiftin. Ndërsa Pastori David Connor, do të moderojë shërbimin në kapelën e kështjellës së shekullit të XV.
Në orën një të drekës, të sapomartuarit do të nisin një parakalim të shkurtër me karrocë me kuaj. Pas ceremonisë do të mbahet një event festiv në hollin e St George për çiftin dhe të ftuarit e tyre.
Darkën e 19 majit, Princi i Wales, Charles, do të mbledhë familjen dhe miqtë më të afërt për të festuar me çiftin në një ceremoni private.
Përflitet se William do të jetë shoqëruesi i nderit të të vëllait, edhe pse një muaj më parë tha se se kanë pyetur ende.
Për dasmën do të paguajë familja mbretërore, duke përfshirë shërbimin në kishë, muzikën, lulet dhe festën më pas. Sigurimi i eventit ama, bie në krah të taksapaguesëve.
Mbretëresha dhe gjithë familja mbretërore do të jetë prezente. Po ashtu edhe prindërit e Meghan Markle, Thomas Markle dhe Doria Ragland.
Princ George dhe Princeshë Charlotte me siguri do të parakalojnë altarin para çiftit.
Pallati deklaroi se detaje të tjera do të zbulohen ditët në vazhdim.
Burimi: The Guardian
