Një aksident i rëndë ndodhi pasditen e sotme në Korçë ku një çift kalimtarësh u përplas për vdekje nga shoferi që më pas u largua nga vendngjarja. Edhe pse çifti u transportua në spital, plagët ishin të renda dhe nuk mundën të mbijetonin.
Rastet kur çifte të bashkërshorteve kanë humbur jetën në aksidente fatkeqësisht nuk janë të pakta teksa rikujtojmë një nga më të tmerrshmit në tregun e Milotit.
Çfarë ndodhi sot:
Një aksident i rende ndodhi sot në aksin rrugor Korçë – Pogradec, në afërsi të fshatit Pocestë, ku një çift bashkëshortësh janë përplasur nga një automjet.
Si pasojë e përplasjes, bashkëshortët kanë mbetur të plagosur rëndë. Ata janë transportuar me urgjencë në spital, ku edhe kanë ndërruar jetë.
Çifti i bashkëshortëve, Saimir Shaholli 70 vjeç dhe Vjollca Shaholli 63 vjeçe, banues në fshatin Voskop të Korçës, kanë humbur jetën. Polici bën me dije se një automjet ka aksidentuar burrë dhe grua, të cilin po kalonin rrugën.
Invalidi hyn në tregun e Milotit, përplas për vdekje burrë e grua
Një invalid duke drejtuar një makinë, ka humbur kontrollin dhe ka hyrë brenda tregut të Milotit. Ai ka përplasur me makinën e tij disa persona, derisa është ndaluar para një dyqani. Dy prej të goditurve, një çift burrë e grua, kanë humbur jetën, ndërsa pesë të tjerë janë plagosur.
Vdesin burrë e grua, plagoset djali i tyre
Dy të vdekur në rrugën nacionale Shkodër – Lezhë.
Në vendin e quajtur Beltojë, një kamion transporti është përplasur me një autoveturë tip “Benz” e për pasojë kanë gjetur vdekjen burrë e grua. Përplasja ka qenë aq e fortë, sa që kanë humbur jetën në vend bashkëshortët Hysni Brahimi, 67 vjeç dhe Maje Brahimi, 61 vjeçe, si dhe ka mbetur i plagosur rëndë djali i tyre, Dritan Brahimi, 26 vjeç, i cili ndodhej në drejtimin e “Benz”-it në momentin e përplasjes.
Aksident i rëndë në Fier-Ballsh, vdesin prindërit, plagoset djali
Burrë e grua kanë mbetur të vdekur, ndërsa djali i tyre mbijetoi, si pasojë e një aksidenti automobilistik në aksin Fier- Ballsh, në vendin e quajtur Visokë. Viktimat janë Ramadan e Anife Mina, përkatësisht 76 dhe 65 vjeç. I dëmtuari ishte djali i tyre, Vladimir Mina 45 vjeç, i cili ishte dhe drejtuesi i mjetit me targa greke.
Çifti në Kosovë humb jetën pas aksidentit tragjik në autostradë
Tre është numri i viktimave nga aksidenti i pasdites në autostradën Pejë-Prishtinë, në fshatin Gllarevë.
Jakup Rizë Berisha dhe Selvije Berisha janë çifti që kanë mbetur të vdekur si pasojë e këtij aksidenti
Lajmin e ka bërë të ditur vëllai i viktimës, përmes rrjeteve sociale.
“Me pikëllim të thellë mora lajmin e hidhur se pasditen e sotme në një aksident trafiku në rrugën Pejë Prishtinë (Gllarevë) humbi jetën vëllai i ynë, Jakup Rizë Gërvalla (Berisha) së bashku me bashkëshorten e tij Selvije Berisha”, ka shkruar ai.
Përgatiti: AlpeNews.al
