Për të gjithë ata që e kanë nisur herët ditën kanë parë aksionin e shembjes së një prej ndërtesave “më të famshme” në kryeqytet.
Ditën e sotme është shembur ndërtesa prej xhami e cila ishte ndërtuar në pjesën e pasme të stadiumin “Arena Kombëtare”. Punimet për stadiumit janë drejt përfundimit, dhe kjo ndërtesë katër katëshe ku kishte kafene, sallon bukurie dhe fast-food duket se i “zinte frymën”. Në këtë hapësirë është planifikuar për të qenë parkim, që do t’u shërbejë të gjithë tifozëve që do të zgjedhin të shohin ndeshjet nga “Arena Kombëtare”.
Shembja është bërë me anë të fadromave dhe jo me shpërthim të telekomanduar, siç ka funksionuar me disa prej ndërtesave të tjera në Shqipëri, duke mos u kthyer në një shqetësim për banorët përreth.
Për shembjen e kësaj ndërtese ka reaguar edhe kreu i Bashkisë së Tiranës, Erion Veliaj. “Çibani i fundit! Ikën ngrehina e mbetur nga aksi qendror i Tiranes për ta hapur plotësisht Sheshin “Italia” për Arenën Kombëtare. Shpronësim për ata me leje, prishje për të fortët që shtuan katet pa leje në kohë të Lulit e Kunatit famëkeq”, shkruan Veliaj.
Çibani i fundit! 🚜
Iken ngrehina e mbetur nga aksi qendror i Tiranes per ta hapur plotesisht Sheshin Italia per Arenen Kombetare 🏟⚽️
Shpronesim per ata me leje, prishje per te fortet qe shtuan katet pa leje ne kohe te Lulit e Kunatit famekeq ✌️ #TiranaNukNdalet pic.twitter.com/dvLSYZj9kt
— Erion Veliaj 🚴♂️🌳⚽️🇦🇱 (@erionveliaj) July 12, 2019
