Ka një angazhim të jashtëzakonshëm të çiftit politik Ilir Meta dhe Monika Kryemadhi, në kontaktet e ditës së sotme me ambasadorët.
Kështu, ka zgjatur 50 minuta takimi kokë më kokë mes ambasadorit të Bashkimit Europian Luigi Soreca dhe presidentit të vendit, Ilir Meta.
Burime jo zyrtare saktësojë se takimi me Sorecën ka qënë me kërkesë të kreut tonë të shtetit.
Akoma asnjë nga zyrat e shtypit nuk kanë zbardhur detaje nga takimi, por mendohet se temë e bisedës mund të kenë qenë dhe zgjedhjet e ardhshme parlamentare dhe Reforma Zgjedhore, e cila ende nuk është përmbushur në fazën e saj finale.
Paralelisht me takimin e Sorecës me Metën, në selinë e Lëvizjes Socialiste për Integrim ka mbërritur ambasadori në ikje britanik në Tiranë Duncan Norman, i cili është pritur nga Monika Kryemadhi.
Këto lëvizje vijnë pas vendosjes së datës, 25 Prill për mbajtjen e zgjedhjeve parlamentare në vend por dhe në start të afatit për ngritjen e Gjykatës Kushtetuese dhe të lartë.
Luigi Sorenca ka qënë zyrtar i lartë i antimafias italiane dhe ka punuar me prokurorët më të zëshëm në Itali kundër këtij fenomeni. Eshtë partizan i postulatit “ndiq paranë, për të arritur te krimi dhe korrupsioni”. /TEMA
