Presidenti i Serbisë, Aleksandër Vuçiç, është shtruar me urgjencë në spital mëngjesin e së premtes. Kështu shkruan portali serb B92 duke cituar një burim anonim.
Nuk jepen detaje për gjendjen e presidentit serb. Nuk specifikohen as arsyet e shtrimit të tij të mundshëm në spital.
Siç raportojnë mediat, simpatizantët e opozitës kanë publikuar një sërë postimesh në rrjetet sociale në të cilat deklarojnë se presidenti Vuçiç ka përfunduar urgjentisht në spital dhe shtojnë se kjo është hera e dytë që ndodh brenda njëzet ditësh.
Siç shkruan edhe media serbe B92, djali i presidentit të Serbisë, Danilo Vuçiç i ka dërguar një mesazh të fortë mbështetjeje babait të tij.
