Sekreti i memories së hekurt fshihet pas një geni, i cili mund të bëhet objektivi i terapive në mbrojtje të trurit dhe kundër plakjes së tij.
Sipas kërkimeve të kryera dhe të publikuara në British Medical Journal, plakja cerebrale nis rreth moshës 45-vjeçare, rreth 15 vjet para moshës që mendohej deri më sot nga shkenca. Mirëpo disa individë duket se janë të paprekur nga kjo gjë. Kërkimet e fundit tregojnë se memorja e tyre mbetet e paprekur edhe pas të 80-ve. Në të tilla raste është zbuluar se kjo aftësi vjen si pasojë e variacioni gjenetik, i cili nxit shpresat për të ardhmen.
Tani qëllimi është të zbulohet me saktësi ky gen i cili është çelësi i memorjes së pashtershme, arsyetimit të pastër e të rregullt, një atrofie shumë të ulët të trurit dhe patologjive të lidhura me sëmundjen e Alzheimer.
