Rriten masat e sigurise para momentit te votimit per kreun e ri te FSHF. Futbolli shqiptar zgjedh sot nga Durrësi drejtuesin e ri për 4 vitet e ardhshme.
Pas një fushate afro njëmujore sot eshte momenti që 66 delegatë me të drejtë vote të vendosin mes tre kandidaturave: Armand Duka, Bashkim Fino dhe Shpëtim Hala.
Orët një ditë para zgjedhjeve kanë qenë të ethshme, nga ndarja në dy kampe të mbështetësve të Dukës dhe Finos te një frikë, që ekziston për mbarëvajtjen e punimeve dhe deri te forcat shtesë për ruajtjen e sigurisë.
Kur duhet edhe 1 orë nga fillimi i Asamblesë, forca të shumta policie kanë rrethuar ambientin e “Hotel Adriatik” ku do të zhvillohen zgjedhjet. Vendi duket si një shtetrrethim i vërtetë.
Nderkohe, LSA ka publikuar disa foto se cfare po ndodh aktualisht para Asamblese se FSHF-se, nderkohe qe duket se policia ka rrethuar hotelin ku delegatet do te zgjedhin mes Dukes e Finos.
