Paraguai do të kthejë ambasadën e tij përsëri në Tel Aviv, duke ndryshuar një vendim të diskutueshëm muaj më parë për të zhvendosur vendin diplomatik në Jeruzalem.
“Paraguai dëshiron të kontribuojë në një intensifikim të përpjekjeve diplomatike rajonale për të arritur një paqe të gjerë, të drejtë dhe të qëndrueshme në Lindjen e Mesme”, tha të mërkurën Ministri i Jashtëm Luis Alberto Castiglioni.
Në përgjigje, Izraeli njoftoi se do të mbyllë ambasadën e saj në Paraguai.
Ndërkohë, palestinezët do të “hapin menjëherë” një ambasadë në Paraguai, tha ministri i punëve të jashtme Riyad al-Maliki, sipas agjencisë zyrtare të lajmeve Wafa.
Maliki përshëndeti ndryshimin e mendjes së Paraguaj si “një arritje të re palestineze diplomatike”.
Ish presidenti i Paraguaj Horacio Cartes udhëtoi për në Jeruzalem për të inauguruar ambasadën në maj. Por pasardhësi i Cartes, Mario Abdo Benitez, gjithashtu një anëtar i partisë konservatore të Kolorados, mori detyrën muajin e kaluar dhe ndryshoi vendimin.
Në dhjetor, Presidenti i SHBA Donald Trump e njohu Jeruzalemin si kryeqytetin e Izraelit, duke përmbysur dekadat e politikës amerikane dhe duke tronditur botën arabe dhe aleatët perëndimorë. Ai hapi një ambasadë të re në qytet më 14 maj. Dy ditë më vonë, Guatemala gjithashtu hapi ambasadën e saj në Jerusalem.
