Nis ceremonia e hapjes ITB Berlin 2025, ku Shqipëria turistike po i flet sot (3 mars) botës nga Gjermania, në Panairin e Turizmit.
Kreu i qeverisë bëri krahasime të Shqipërisë së para viteve 1990 dhe asaj në ditët e sotme, duke e krahasuar me Korenë e Veriut dhe vend pa turistë, që kalonte sa nga aleancat me Bashkimin Sovjetik, tek ajo me Kinën.
Madje ai theksoi se për turistët që vinin në atë kohë në Shqipëri, kishte një berber që u priste flokët dhe u hiqte mjekrat, “pasi edhe vetë Karl Marksi po të vinte në Shqipërinë marksiste, do i hiqej mjekra e priteshin flokët”, tha Rama mes të tjerash.
Panairi do ketë 5800 ekzpozues nga qindra vende të botës.
Julia Simpson, Presidente (CEO) e Këshillit Botëror të Turizmit dhe Udhëtimit, mbajti fjalën e saj në ceremoninë e hapjes në Berlin, ku tha fjalët më të mira për Shqipërinë, duke lexuar edhe shifrat e turizmit dhe udhëtimit, sikurse edhe prioritetet e zhvillimit të tij në të ardhmen.
“Shqipëria po përjeton një zgjim të madh në turizëm dhe po bëhet destinacion i madh”, tha ajo. Gjithashtu ajo iu referuar një prej shprehjeve të shkrimtarit të ndjerë shqiptar, njeriut të letrave, ismail Kadare, për “arratisje drejt një realiteti hyjnor”.
Në ceremoninë e hapjes së panairit të turizmit në Berlin ku kryefjalë do jetë Shqipëria, mbajti fjalën e tij një nga përfaqësuesit i ITB Berilin që organizon këtë panair, Mario Tobias. Ai shprehu se ndjehet krenar për këtë partneritet me Shqipërinë.
