Ministri për Evropën dhe Punët e Jashtme Ditmir Bushati ishte sot në qarkun e Shkodrës për prezantimin e prefektit të ri kolonel në rezervë Cesk Millja. Në fjalën e tij, Ministri Bushati u shpreh se në bazë të ligjit prefekti shërben jo vetëm si kordinator por dhe si një urë lidhëse mes pushtetit vendor dhe qeverisë.
“Jam i bindur se me disa prej sfidave me të cilat përballet qarku do të adresohen më së miri duke pasur paraysh profilin dhe eksperiencën e tij do të jetë një urë e mirë komunikimi me institucionet më të rëndësishme këtu”, u shpreh Bushati.
Në fjalën e tij, prefekti Millja falendëroi kryeministrin Rama për besimin e dhënë dhe siguroi që do të bashkëpunojë me të gjithë aktorët dhe institucionet për të kryer sa më mirë detyrën e besuar. Ministri Bushati falenderoi dhe ish-prefektin Radovani pēr kontributin e dhënë gjatë ushtrimit të detyrës.
