Deputetja ukrainase Lesia Vasylenko, ndërsa ishte duke zhvilluar një komunikim për mediat, ku edhe po i bënte komunitetit ndërkombëtar të ndihmonte Ukrainën, në atë moment fjala e saj u ndërpre nga zhurma e avionëve.
“Nëse kjo vazhdon në nivelin që po ndodh tani, këto sulme ajrore që ndodhin, tanket që futen brenda, Ukraina nuk do të jetë në gjendje të qëndrojë për një kohë të gjatë kundër një agresioni kaq masiv rus dhe ne kemi nevojë për ndihmë,” tha ajo për CNN nga Kievi.
Ajo shtoi se nevojiten më shumë sanksione, si dhe më shumë armë në Ukrainë dhe mbyllja e hapësirës ajrore të vendit.
“Ne të gjithë jemi të rraskapitur nga kjo, kemi helikopterë, kemi aeroplanë, avionë luftarakë, që fluturojnë rreth e rrotull gjatë gjithë kohës. Dhe sa herë që dëgjojmë një zhurmë, presim se ku ajo do të godasë”, ka thënë më tej ajo.
Ajo shtoi se pavarësisht frikës, ka besim në ushtrinë ukrainase dhe në popullin ukrainas.
