Në një lidhje telefonike në studion e lajmeve të Report Tv, zv/ministri i Jashtëm, Sokol Dedja ka komentuar refuzimin e kërkesës së Holandës nga Komisionit Europian për rikthimin e vizave me Shqipërinë.
Dedja ka përshëndetur këtë vendim duke thënë se një veprim i tillë ishte i pritshëm pasi Shqipëria është përmirësuar shumë që nga heqja e vizave.
Dedja ka deklaruar se kërkesa e Holandës ka qenë më shumë politike se sa një problem real. Më pas ka shtuar se Shqipëria do të punojë për krijimin e lidhjeve të mëtejshme të vendeve të ulëta si Holanda, Belgjika apo Brukseli.
“Rritje e konsiderueshme e kërkesave për azil, rritja e kërcënimit për sigurinë, mungesë bashkëpunimi për riatdhesimin.. këto faktorë kanë ndikuar negativisht. Por në të gjitha këto fusha Shqipëria tregon përmirësim. Edhe azili dhe shifrat e emigracionit të paligjshëm janë në ulje.
Nuk gjykoj vendime politike. Por nuk ekzistonte baza për pezullimin e përkohshëm për viza nga Holanda. Është synimi jonë që të bashkëpunojmë më vendete e ulët që të luftojmë krimin e organizuar dhe probleme të lartpërmendura.
Edhe KE e konfirmon, emigracioni kërkesat për azil… nuk ka rritje për të pezulluar vizat përkundrazi ka përmirësim për këtë. Ka vend për përmirësim sigurisht… për të punuar më tej dhe për të bashkëpunuar me holandezët.” ka thënë ndër të tjera Dedja.
