Burrave nuk do u kërkohet më recetë për të marrë ilaçin kundër impotencës, Viagrën dhe në vend të kësaj do jenë në gjendje ta blejnë fare kollaj në farmaci. Nuk bëhet fjalë këtu tek ne por në Britani dhe ky është vendimi që ka marrë Agjencia rregullatore e Ilaçeve.
Kështu, do jetë në dorën e farmacistëve për të gjykuar nëse meshkujt mbi 18 vjeç, mund të marrin pilulat blu. Megjithatë sugjerohet që viagra të mos përdoret tek njerëzit që vuajnë nga problemet me zemrën, problemet me mëlçinë, infeksione në veshka, apo ata që marrin ilaçe tensioni.
Ekspertët thonë se ilaçet në farmaci që mund të merren pa recetë mjeku do e bëjnë më të thjeshtë për burrat të cilët kishin siklet të shkonin të vizitoheshin për impotencën, megjithatë ata thonë se kur burrat të vënë re një problem serioz duhet menjëherë të vizitohen./ tiranapost.al
