Sulm me armë zjarri të llojit kallashnikov i është drejtuar mëngjesin e sotëm në orën 03:00 në drejtim të banesës së gazetares investiguese Klodiana Lalës, e cila raportohet se nuk ka qenë në shtëpi bashkë me familjen e saj, sëbashku me bashkëshortin. Dyshimet e para janë për pistat e hakmarrjes së diçkaje që Lala mund të ketë publikuar gjatë këtyre ditëve ne mediat e shkruara dhe ato on-line. Bëhet me dije se në shtëpi kanë qenë fëmijët, vëllai dhe prindërit e gazetares Lala. Policia ka mbërritur në vendngjarje, ndërsa shenjat janë kudo. Breshëria me 10 plumba në banesën e gazetares janë në mur, dhe në xhamat e thyer të banesës.
Ja informacioni paraprak i policisë
Më datë 30.08.2018, rreth orëve të mëngjesit, në lagjen “Bruk”, në rrugën “Shkëndija” është qëlluar me armë zjarri në drejtim të pjesës së jashtme të banesës së shtetasit A. L., rreth 64 vjeç. Nuk ka dëme në njerëz. Po punohet për sqarimin e rrethanave të ngjarjes, identifikimin dhe kapjen e autorit/ve.
/ALPENews.al