Ukraina dhe Rusia ndodhen në një klimë urrejtjeje, ku natyrisht lufta ka lënë edhe viktima pas, ku të paktën 800 ukrainas kanë humbur jetën gjatë luftimeve në Krime dhe vende të tjera.
Presidenti i Ukrainës, Petro Poroshenko, u shpreh në një televizion vendës se vendi i tij mund të tërhiqet nga Botërori i Rusisë.
“Mendoj që duhet të reagojmë ndaj këtij regjimi. Rusia ka vrarë njerëz dhe vazhdon të vrasë përditë edhe në Siri. U bëj thirrje shteteve pjesëmarrës të mos udhëtojnë për Rusi” – deklaroi Poroshenko.
Një deklaratë e fortë kjo nga presidenti ukrainas, që pritet të ketë reagim zyrtar nga Moska. Mësohet se Ukraina nuk do të transmetojë asnjë ndeshje të Botërorit. Kjo si shenjë proteste ndaj vendit organizator, ku shumë shtetas në Ukrainë nuk kanë asnjë interes për futbollin në këto kohë të vështira që po kalon vendi.
