Sheqeri pluhur është i shkëlqyer për dekorimin e ëmbëlsirave, edhe pse qëllimi i tij kryesor është të ëmbëlsojë gojën tuaj. Ky lloj sheqeri mund të zëvendësojë shumë mirë sheqerin klasik, si rrjedhojë, ai mund të përdoret në përgatitjen e të gjitha ëmbëlsirave.
Përfitimet e sheqerit pluhur të bërë vetë
Sheqeri pluhur i bërë në shtëpi është padyshim më i mirë se ai që blihet në supermarkete (në aspektin e cilësisë). Për më tepër, ky lloj sheqeri ka një çmim më të lartë, në krahasim me atë të zakonshmin. Kjo është edhe një arsye shumë e mirë për ta bërë atë në shtëpi. Përveçse do të fitoni një sheqer me më shumë cilësi, ai është dhe shumë i thjeshtë për t’u përgatitur.
Me 3 hapa të thjeshtë ju mund ta keni këtë sheqer me përdorime të shumta në kuzhinën tuaj.
Ja si ta përgatisni sheqerin pluhur në shtëpi:
Përbërësit
• 400 gramë sheqer kaf
• Vanilje (jo e domosdoshme)
• 12 gramë niseshte orizi (ose misri).
Përgatitja
1. Para së gjithash, merrni një blender me të cilin përzieni të gjithë përbërësit e përmendur më lart.
2. Ndizni mikserin dhe prisni rreth 1 minutë. Është e nevojshme që të jetë në shpejtësinë maksimale të tij gjatë këtij procesi.
3. Pas kësaj, kontrolloni nëse sheqeri pluhur është gati. Përndryshe e përzieni edhe pak në mikser.
Për ta ruajtur sheqerin pluhur është shumë e thjeshtë, mjafton ta derdhni atë në një enë qelqi dhe e lini të qëndrojë për rreth 30 minuta. Menjëherë pas kësaj, e mbani larg nga të nxehtit dhe drita.
/shije