Armando Fezga dhe Muhin Mezini, dy nga kontrollorët e Rinasit që akuzohen se organizuan grevën e Albcontrol dhe bllokuan për më shumë se 24 orë punën në aeroport, janë liruar nga Gjykata e Tiranës.
Gjyqtarët kanë vendosur masën e sigurisë “detyrim paraqitje” për dy kontrollorët, pasi në muajin prill ata u arretuan dhe u dënuan me burg nga Gjykata e Shkallës së Parë, ndërsa Gjykata e Apelit i la në “arrest shtëpie”.
Kujtojmë se kontrollorët e Rinasit vendosën të hyjnë në grevë dhe të shpallin “paaftësinë” për të punuar, pasi ishin të pakënaqur me uljen e pagave.
