Në kërkesën që Prokuroria e Përgjithshme me firmën e prokurorit Besim Hajdarmataj i ka dërguar Kuvendit të Shqipërisë, del zbuluar edhe një detaj shumë i rëndësishëm që nxjerr “bllof” organin e hetimit.
Nëse i referohemi të dhënave nga sistemi TIMS që ka publikuar më herët ish-kryeministri Sali Berisha, atëhere del qartësisht që Tahiri kurrë nuk ka qenë në makinë me Artan Habilajn, por me familjarët e tij.
Makina mban 5 persona, kështu që sipas vetë TIMS-it që nxjerr Berisha të hyrje-daljeve të makinës me targa “AAA 003GB”, Tahiri ka udhëtuar me bashkëshorten e tij, djalin, prindërit dhe nuk ka patur në makinë asnjë person tjetër.
“Më datë 16.08.2014. personi nën hetim Saimir Tahiri udhëton dhe përdor mjetin me targa AA 003GB i cili sipas aktit të shitjes rezulton të jetë shitur më datë 05.11.2013.
Në këto udhëtime rezulton që personi nën hetim Saimir Tahiri ka qenë i shoqëruar nga subjektet e tjera të dyshuara Artan Habilaj etj. (Të dhënat e përfituara nga kqyrja e sistemit TIMS, për lëvizjet dhe nga jashtë shtetit të personit nën hetim Saimir Tahiri, procesverbalet e kqyrjes)”, thuhet në pikën 3 të hetimit të Prokurorisë që tashmë ka dalë bllof nga vetë TIMS-i i Berishës, sipas të cilit, në kohën kur kjo makinë përdorej nga ish ministri, ky i fundit ka hyrë e ka dalë me familjarët e tij.
