Një grua ka lajmëruar policinë se ndodhet në një banesë në zonën e Astirit dhe është dhunuar nga disa persona. Policia mbërriti në vendin e ngjarjes, teksa po negociojonë me S.Q., për të hapur derën e banesës.
Por siç bën me dije policia gruaja nuk pranon të hapë derën. Në zonë ka prani të shtuar të policisë, ambulancës dhe shërbimeve zjarrëfikëse.
‘Shtetasja S.Q, ka njoftuar sallën operative se ndodhet në një banesë në katin e 8-të, dhe pretendon se është dhunuar nga disa persona.Menjeherë në vendngjarje kanë mbërritur sherbimet e Policisë, Grupi Hetimor, shërbimet zjarrëfikëse dhe po punojnë për zbardhjen e rrethanave të ngjarjes si dhe ofrimin e ndihmës së qytetares.
Shërbimet e Policisë po negociojnë me shtetasen S.Q, pasi e ka mbyllur deren dhe nuk pranon ta hap.’
Ndërkohë në pamundësi për tu futur nga dera, forcat speciale gjetën një mënyrë për tu futur në banesën e katit të tetë nga dritarja. Siç u pa edhe nga pamjet e siguruara nga Report Tv, dy efektivë të forcave speciale, u lidhën me litar nga tarraca e pallatit dhe zbritën në katin e tetë, ku futën nga dritarja dhe ballkoni.
Banesa është marrë me qira nga i dashuri i vajzës. Babai i saj pretendon se të bijën e kanë rrëmbyer. Familjarët pretendojnë se vajza e tyre vuan nga depresioni.
