Bledar Pura, shefi i regjimit të burgut 313 në Tiranë është dhunuar ditën e sotme me mjete të forta në rrethana dhe shkaqe ende të paditura.
Megjithatë mësohet se ai ka thënë se është dhunuar nga disa persona njëkohësisht. 36 vjeçari u gjet i shtrirë në cepin e një pallati. Ngjarja ka ndodhur në zonën e Freskut jashtë ambienteve të punës.
Por kush është Bledar Pura?
Pura është nga Pogradeci dhe ka studiuar në “Akademinë Ushtarake Skenderbej”. Është i martuar dhe babai i dy djemve.
Ajo që vëmë re në profilin e tij të “Facebook” është se mesa duket Pura e sheh punën e tij si diçka qejfi, këtë e shohim dhe në foton e mëposhtme.
Policia i konfirmoi AlpeNews.al se goditja është për shkak të detyrës.
NJOFTIMI I POLICISE
Më datë 17.01.2018, rreth orës 08.00, në Sallën Operative ka ardhur një telefonatë se në vendin e quajtur zona e “Freskut”, një shtetas ndodhet i shtrirë. Menjeherë në vendgjarje kanë mbërritur shërbimet e Policisë dhe Ambulanca ku nga veprimet paraprake ka rezultuar se:
Në vendin e quajtur zona e “Freskut”, në afërsi të një pallati ështe gjendur i dëmtuar shtetasi B.P., 36 vjeç, ku sipas deklarimit të tij dyshohet se është dëmtuar nga 2-3 persona. Shtetasi B.P., është transportuar në spital dhe ndodhet jashtë rrezikut për jetën. Grupi hetimor po punon për sqarimin e plotë të rrethanave të ngjarjes dhe identifikimin dhe kapjen e autorëve.
Përgatiti: AlpeNews.al