Kreu i PD-së, Lulzim Basha, teksa ka qenë sot mes përfaqësuesve të biznesit në mbarë vendin, e duke dëgjuar gjithë shqetësimet dhe ankesat e tyre u ka bërë thirrje të fortë, të bashkohen, të mos kenë frikë, të reagojnë, pasi situata ka zgjidhje.
“Ne nuk bëjmë premtime, ne kemi një plan konkret që e kemi hartuar me shumë mund, pasi kemi fotografuar 15vjecarin e fundit, kemi afruar ekspertët më të mirë dhe kemi bërë plan ekonomik që është cilësuar nga ata që e kanë parë dhe lexuar, është më i miri i bërë ndonjëherë në vend”- tha ai.
Duke u ndalur në protestën masive të mosbindjes civile, Basha ka theksuar se është koha për veprim e koha nuk pret. “‘Fjalët nuk mjaftojnë, ju bëj thirrje ti bashkoheni aksionit që ndërmerren nesër, mbyllja e qepenave në mbarë vendin, ne na keni në krah. Mos kini frikë, bashkohuni, le të vijnë të më arrestojnë mua të parin, nuk na arrestojnë dot të gjithëve”- tha Basha.
Nderkohe qe perfaqesues te biznesit janë shprehur se qeveria po i detyron të dalin në rrugë, te mbyllin bizneset, te largohen nga vendi. Ata kane deklaruar se ditën e nesërme gjatë orës 11:00 dhe 12:00 do të ulim qepenat në shenjë proteste.
“Kjo qeveri kërkon të na nxjerrë në rrugë. Të dalim në protesta masive. Të protestojmë kundër rritjes së taksave. Nesër në orën 11:00 deri 12:00, të ulim qepenat”, janë shprehur ata.
Me biznesin e vogël kundër vendosjes së TVSh dhe rritjes së taksave.
Gepostet von Lulzim Basha am Montag, 9. April 2018
